Zerthana Naýryzbaı aýdanynda ornalasqan kópqabatty turǵyn úılerdiń birinen anyqtaldy.
Jedel ýákilder, kádimgi páterde esirtki zerthanasyn uıymdastyrǵan 29 jastaǵy er adamdy ustady, dep habarlaıdy aqshamnews.kz
– Osy úıde, tintý kezinde suıyqtyq quıylǵan kanıstrler, suıyqtyq quıylǵan shyny bankalar, prekýrsorlary bar 20 lıtrlik 8 kanıstr, elektrondy tarazylar, respıratorlar, untaq zaty bar jáshik jáne basqa da qural-jabdyqtar tabylyp, tárkilendi. Sot-hımıalyq saraptama kórsetkendeı, bul shıkizatty kúdikti, sıntetıkalyq mefedron esirtkisin jasaý kezinde paıdalanǵan. Esirtki betbelgilerin de óz betimen jasaǵan. Kúdikti qamaýǵa alyndy. Esirtki óndirý jáne satý deregi boıynsha sotqa deıingi tergeý amaldary júrgizilip jatyr, – dedi, Almaty qalalyq PD esirtki qylmysyna qarsy kúres basqarmasynyń bastyǵy Murat Jumabaı.
Qazaqstan QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.