"Sporttyq Almaty" memlekettik baǵdarlamasy sheńberinde 367,4 ml teńge búdjet qarajaty urlanǵanyn anyqtady.
Almaty qalasy sport basqarmasynyń burynǵy basshysyna qatysty qylmystyq isti tergeý aıaqtaldy. Atalǵan basqarmanyń laýazymdy tulǵalary 367 mln teńgeden astam aqsha urlady degen kúdikke ilingen bolatyn, dep habarlaıdy Almaty-akshamy.kz Zakon.kz-ke silteme jasap.
Almaty qalasy boıynsha Sybaılas jemqorlyqqa qarsy qyzmet Almaty qalasy sport basqarmasynyń qyzmetinde sybaılas jemqorlyq táýekelderine syrtqy taldaý júrgizý kezinde "Sporttyq Almaty" memlekettik baǵdarlamasy sheńberinde 367,4 ml teńge kóleminde búdjet qarajaty urlanǵanyn anyqtady.
Pandemıa kezeńinde (2020-2021 j.j.) basqarmanyń burynǵy basshysy jáne onyń qaramaǵyndaǵylar JSHS dırektorymen aldyn ala sóz baılasý boıynsha koronavırýs ınfeksıacyna baılanysty baqylaýdy jáne shekteýlerdi álsiretýdi paıdalana otyryp, JSHS dırektorynyń týystarynyń banktik shottaryna aqshalaı qarajatty negizsiz aýdarý jolymen búdjet qarajatyn urlaǵany anyqtaldy. Osylaısha, burynǵy basshy áleýetti qyzmet kórsetýshilerge memlekettik satyp alýdy ótkizý rásimine qatysý úshin teń múmkindikter bermeı, JSHS-men zańsyz shart jasasýdy qamtamasyz etti.
Shart jasalǵannan keıin pandemıa syltaýymen qosymsha kelisimge qol qoıyldy, onyń talaptary boıynsha sporttyq is-sharalardy ótkizý óndiriletin shyǵyndardyń kórineý joǵary qunymen QR sport túrleriniń tizilimine engizilmegen onlaın jattyǵýlar men týrnırlerdi ótkizýge aýystyryldy.
«Kelisim sheńberinde memlekettik satyp alý arqyly sporttyq qural-jabdyqtardy jalǵa alýǵa, sertıfıkattar men kýboktar satyp alýǵa jalǵan sharttar resimdeldi. Oryndalǵan jumystardyń jalǵan aktilerine sáıkes buqaralyq sport túrlerin jáne dástúrli sporttyq-buqaralyq is-sharalardy nasıhattaýǵa jáne damytýǵa baǵyttalǵan 452 is-shara ótkizildi», - delingen habarlamada.
Qazirgi ýaqytta qylmystyq proseske qatysýshylar is materıaldarymen tanysty.