Almatyda Inovasıalyq tehnıkalyq kolejdiń qurylysy 2026 jyldyń qańtarynda aıaqtalady
Almaty qalasy Alataý aýdanynyń Saıaly shaǵyn aýdanynda kelesi jyly Inovasıalyq shyǵarmashylyq ortalyqtyń qurylysyn aıaqtaý josparlanýda. Bul týraly qala ákimi Erbolat Dosaev aýdan turǵyndarymen kezdesý barysynda málimdedi.
«Ózderińiz biletindeı, 2023 jyldan bastap Nurkent shaǵyn aýdanynda balalardy qosymsha bilimmen qamtýdy arttyrý úshin Inovasıalyq shyǵarmashylyq ortalyq tabysty jumys isteıdi. Búgingi tańda ortalyqqa 2 300 bala keledi. Bul tájirıbeni Saıaly shaǵyn aýdanynda jalǵastyrýǵa nıettimiz, onda 2026 jyldyń qyrkúıeginde Inovasıalyq shyǵarmashylyq ortalyqtyń qurylysy aıaqtalady dep kútemiz», - dedi Erbolat Dosaev.
Sondaı-aq, onyń aıtýynsha, aýdannyń Alǵabas shaǵyn aýdanynda 720 oryndyq jańa Inovasıalyq tehnıkalyq kolejdiń qurylysy jalǵasýda. Qurylystyń aıaqtalý merzimi-2026 jylǵy qańtar.
Esterińizge sala keteıik, aǵymdaǵy jyldyń mamyr aıynda Túrksib aýdanynyń Jas Qanat shaǵyn aýdanynda Damý jáne shyǵarmashylyq ortalyǵynyń qurylysyn bastaý josparlanǵan edi.
Bıylǵy jyly Bostandyq aýdanynda apta saıyn 2 myń bala oqı alatyn zamanaýı Oqýshylar úıi ashyldy, al Almaly aýdanyndaǵy eskirgen Oqýshylar úıiniń ornynda «Shabyt» zamanaýı balalardy damytý ortalyǵy ashyldy.