Almaty qalasynyń óńirlik komýnıkasıalar qyzmetinde qalanyń damýyna eleýli úles qosqan áıelderge arnalǵan baspasóz konferensıasy ótti.
İs-shara qonaqtarynyń biri-qoǵam qaıratkeri, qatynas joldarynyń ınjeneri, Eńbek Qyzyl Týy jáne «Qurmet» ordenderiniń ıegeri Klara Letnıkova boldy, dep habarlaıdy aqshamnews.kz.
Klara Letnıkova óziniń kásibı mansabyn 1958 jyly aqpanda Sverdlovsk avtomobıl-jol tehnıkýmyn bitirip, sol kezdegi Almatyǵa jumysqa shaqyrý alǵan sátten bastady. Ol 23 jy-lyn qalany kórkeıtýge arnap, qurylys basqarmasynyń bastyǵy laýazymyna jetti.
Almaty sol jyldary qarqyndy damyp, qalanyń jańa kelbeti qalyptasty. Ol basshylyq etken kezeńde joldar, eskertkishter, sýburqaqtar, sondaı-aq Almatydaǵy alǵashqy jerasty ótkelderi salyndy.
Ol 1975 jyly Jeńistiń 30 jyldyǵyna oraı Qazaqstandaǵy Uly Otan soǵysynyń basty eskertkishteriniń birine aınalǵan 28-panfılovshylar saıabaǵyndaǵy Máńgilik alaýy bar Dańq memorıalyndaǵy jumysyn erekshe maqtan tutatynyn atap ótti.
«Men osy jeńis sımvolyn soǵýǵa qatysqanymdy maqtan tutamyn. Bul eskertkish biz úshin jaı ǵana qurylys nysany emes, naǵyz tarıhı mısıa boldy. Biz ony 1975 jyldyń sáýirin-de, 50 jyl buryn turǵyzdyq. Kóptegen ardagerler men olardyń otbasylary úshin bul es-kertkish Jeńis pen qaısarlyqtyń sımvolyna aınaldy. Búginde, 9 mamyr kúni, adamdar osy jerge kelip, Máńgilik alaýǵa taǵzym etedi. Bul – urpaqtar sabaqtastyǵy men esteliktiń máńgiligin kórsetedi. Búginde biz Jeńistiń 80 jyldyǵyn atap ótýge jaqyndap qaldyq», – deıdi Klara Letnıkova.
Qurylys salasyndaǵy tabysty mansabynan keıin Klara Letnıkova óz qyzmetin ónerkásip, áleýmettik qorǵaý, kólik, qurylys jáne kásipodaq júıesin basqarý salalarynda jalǵastyrdy.
Zeınetke shyqqannan keıin de ol qoǵamdyq jumystarǵa belsendi aralasyp, óz tájirıbesi men bilimin halyq ıgiligi úshin paıdalanýda.