Almatyda “Quqyqtyq tártip” jedel aldyn alý is-sharasy aıasynda jol qozǵalysy erejelerin qasaqana buzyp, aıyppul tólemeıtin júrgizýshilerdi anyqtaý jumystary jalǵasyp jatyr, dep habarlaıdy Almaty-akshamy.kz
«Olardyń biri – Qyrǵyzstanda tirkelgen Nissan avtokóligimen Almaty qalasynda jol qozǵalysy erejesin buzǵan 31 jastaǵy M.esimdi azamat. Júrgizýshige qatysty QR ÁQBtK-niń 590-baby 3-bóligi (Kólik quraldaryn paıdalaný qaǵıdalaryn buzý) jáne QR ÁQBtK-niń 612-baby 1-bóligi (Qujattary joq jáne basqarý quqyǵy joq adamnyń kólik quralyn basqarýy) boıynsha ákimshilik is júrgizý materıaldary jınaqtaldy. Kólik quraly mamandandyrylǵan aıyppul turaǵyna qoıyldy», – dedi Almaty qalasy PD ÁPB-nyń ákimshilik tájirıbe bóliminiń aǵa ınspektory Aıdos Keńes.
Sondaı-aq Almaty polısıasy quqyq buzýshylyqqa múldem tózbeýshilik qaǵıdattaryn qamtamasyz etý maqsatynda quqyq buzýshylyq úshin jazanyń bultartpastyǵy týraly eske saldy. Avtomattandyrylǵan aqparattyq júıelerdiń múmkindikteri keńinen qoldanylýda, onyń ishinde, salynǵan ákimshilik aıyppuldar boıynsha bereshegi bar boryshkerlerdi avtomatty túrde esepteıtin “Qorǵaý – Qaýipti júrgizýshi”.