Almatynyń Ortalyq stadıonyna rekonstrýksıa jasalady – qala ákimi
Ortalyq komýnıkasıalar qyzmetindegi brıfıń barysynda Almaty ákimi Erbolat Dosaev «Chelsı» fýtbol klýbymen ótken machtan keıin megapolıstiń halyqaralyq bedeline qatysty jýrnalıserdiń suraqtaryna jaýap berdi, dep habarlaıdy aqshamnews.kz
Ákimniń aıtýynsha, ÝEFA konferensıalar lıgasy aıasynda 12 jeltoqsanda «Astana» men «Chelsı» arasynda ótken machqa shamamen 21 myń adam qatysqan.
«Esterińizde bolsa, biz keshirim suradyq. Mach bastalǵanǵa deıin stadıonnyń shyǵys sektoryndaǵy alty qatardyń aralyǵy der kezinde tazalanbaǵan. Bul Ortalyq stadıon menedjmentiniń jumysty tolyq atqarmaǵanyn kórsetedi, sondyqtan tıisti sharalar qabyldandy», – dedi Erbolat Dosaev.
Ol bul jaǵdaıdan tıisti qorytyndy jasalǵanyn, biraq bul oqıǵa oıyn sapasyna áser etpegenin, ári aǵylshyn komandasy nemese ÝEFA tarapynan shaǵym túspegenin atap ótti.
«Kelesi jyly biz Ortalyq stadıondy qaıta jańǵyrtýdy bastaımyz. Oryn sany 32 myńǵa deıin ulǵaıtylady. Jańa stadıon barlyq standarttarǵa saı bolady jáne jabyq formatta salynady. Búginde jańa júıe boıynsha ERS-kelisimsharty («tolyq aıaqtaý») aıasyndaǵy damý tujyrymdamasy bekitildi. Bul alańda eýropalyq jáne álemdik deńgeıdegi joǵary dárejeli kýboktyq jarystardy ótkizýge múmkindik bolady. Sonymen qatar, men stadıon basshylyǵyna sapaly jumys júrgizý úshin qosymsha kompanıalardy tartý qajettigin tapsyrdym», – dedi ákim