Almaty qalasynyń ákimdigi «Saıran» avtovokzalynyń menshik ıesimen ony komýnaldyq menshikke qaıtarý máselesi boıynsha kelissózder júrgizýde. Bul týraly Almaty ákimi Erbolat Dosaev Ortalyq komýnıkasıalar qyzmetinde ótken brıfıń barysynda habarlady.
Jýrnalıserdiń avtovokzal aýmaǵyn aýqymdy jańǵyrtý jáne abattandyrý boıynsha josparlarǵa qatysty qoıǵan suraǵyna jaýap bere otyryp, qala basshysy «Saıran» 2000-jyldardyń ortasynda jekemenshikke ótkenin, al 2018-2019 jyldary nysannyń menshik ıesi ǵımaratqa bazalyq jańǵyrtý júrgizgenin eske saldy.
«Avtovokzal biz úshin ishki kólik torabyndaǵy mańyzdy nysan. Almatynyń Bas jospary men egjeı-tegjeıli josparlaý jobasyna sáıkes, avtovokzal qoǵamdyq iskerlik aımaqta, naqtyraq aıtqanda kólik qyzmetin kórsetetin obektiler aımaǵynda ornalasqan. Sondyqtan ol jolaýshylardy kólikten kólikke aýystyrý úshin óte qolaıly», - dedi Erbolat Dosaev.
Sonymen qatar, Almaty ákimi avtovokzaldyń menshik ıesimen nysandy komýnaldyq menshikke qaıtaryp, ony jańǵyrtý jáne biryńǵaı keshen qurý boıynsha kelissózderdiń bastalǵanyn atap ótti.