Ońaı jolmen aqsha tabýdy unatatyndar qoǵamdyq kólikte, aıaldamada urlyq jasap júrgen, dep habarlaıdy Almaty-akshamy.kz.
Polisia.kz-tiń aqparaty boıynsha, Almaly aýdanynda IPhone-14 telefonyn urlaǵan 30 jastaǵy A.esimdi azamat ustaldy.
«Tóle bı men Nazarbaev dańǵyldarynyń qıylysynda jedel ýákilder 47 jastaǵy K.esimdi azamatty ustady. Ol qoǵamdyq kólik jolaýshysynyń telefonyn urlap ketken. Osy ýaqytta, 41 jastaǵy P.esimdi azamat bazarda júrip, býtıkten bóten bireýdiń gadjetin urlap ketken. Osy derekter negizinde sotqa deıingi tergeýdiń biryńǵaı tizilimine QR QK-niń 188-baby boıynsha qylmystyq ister tirkeldi. Qazir tergeýshiler ustalǵandardyń qalada buryn jasalǵan osyǵan uqsas basqa dp qylmysqa qatysy bar-joǵyn anyqtap jatyr», – dedi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.