Taıaý Shyǵystaǵy qarýly qaqtyǵystan 3 apta ishinde 3 450 bala kóz jumǵan.
Bul týraly Birikken Ulttar Uıymy málimdedi. Beıkúná sábılerdiń ólimi kún sanap artýda. Uıym ókilderi dereý soǵysty doǵarý kerek ekenin aıtyp, dabyl qaqty, dep habarlaıdy Almaty-akshamy.kz 24.kz-ke silteme jasap.
Jaǵdaıdy gýmanıtarlyq kómektiń kelmeýi ýshyqtyryp otyr. Dúnıejúzilik densaýlyq saqtaý uıymnyń dereginshe, 130-dan astam shala týǵan bala arnaıy qurylǵyda jatyr. 50 myńnan astam júkti áıel, 350 myńnan astam adam túrli dertpen tirkeýde tur. Budan bólek, 2 mıllıonnan astam adam aýyzsý men dári-dármekke zárý.
«Gaza qala emes, balalardyń mazaryna aınaldy. Ortasha eseppen kún saıyn 420 bala ólim qushyp, aýyr jaraqat alyp jatyr. Shabýyldy tym bolmasa 72 saǵatqa toqtatsa, myńdaǵan balanyń ómirin saqtar edik», - deıdi «IýNISEF» balalar qorynyń ókili Djeıms Elder.