Bul týraly Májilistiń jalpy otyrysynda QR Premer-Mınıstriniń orynbasary Tamara Dúısenova aıtty.
Ol respýblıkadaǵy bilim berý jáne densaýlyq saqtaý júıelerin damytý sharalary týraly aıtyp berdi, dep habarlaıdy Almaty-akshamy.kz.
«Memleket basshysynyń tapsyrmasy boıynsha “Jaıly mektep” ulttyq jobasy júzege asyryla bastady. Onyń aıasynda 369 mektep salynbaq. Jergilikti jáne respýblıkalyq búdjetter, Bilim berý ınfraqurylymyn qoldaý qory, memlekettik-jekeshelik áriptestik jáne jeke ınvestısıalar esebinen salynyp jatqan nysandardy qosqanda, 2026 jylǵa deıin 1,5 mln jańa oqýshy orny paıdalanýǵa berilmek», — dedi Tamara Dúısenova.
Vıse-premerdiń aıtýynsha, bilim nysandaryn salý ǵana jetkiliksiz. Sondaı-aq mektepterdi biliktiligi joǵary kadrlarmen qamtamasyz etý mańyzdy. Máselen, salaǵa úzdik mamandardy tartý maqsatynda Prezıdent tapsyrmasyna saı ustazdar jalaqysy eki ese ulǵaıǵan bolatyn.
Bilikti kadrlar qataryn keńeıtý JOO-nyń básekege qabilettiligin arttyrýmen tyǵyz baılanysty. Qazirde elimizde aldyńǵy qatarly 5 sheteldik JOO fılıaly ashyldy.
dedi vıse-premer.
Medısınalyq salany damytý boıynsha QR Premer-Mınıstriniń orynbasary qazirgi ýaqytta Memleket basshysynyń tapsyrmasyn oryndaý úshin aýyldyq densaýlyq saqtaýdy jańǵyrtý jónindegi ulttyq joba iske asyrylyp jatqanyn atap ótti.
«Joba aıasynda 2025 jyldyń sońyna deıin 655 alǵashqy medısınalyq-sanıtarlyq kómek berý nysany, 32 kópsalaly ortalyq aýdandyq aýrýhana salynady, aýyldaǵy densaýlyq saqtaý mekemeleri úshin 1 100 medısına qyzmetkeri oqytylady», — dedi Tamara Dúısenova.
Sondaı-aq vıse-premer «Dıplommen aýylǵa» jobasy aıasynda jas mamandardy tartý úshin 2024 jyldan bastap turǵyn úı satyp alýǵa beriletin búdjettik nesıe mólsheri 1,5 myń AEK-ten 2,5 myń AEK-ke deıin ulǵaıtylatynyn aıtty.