Jumys sapary barysynda Naýryzbaı aýdanyn aralaǵan Almaty ákimi Erbolat Dosaev «Halyq qatysatyn búdjet» baǵdarlamasy aıasynda qolǵa alynǵan iri joba Shuǵyla shaǵyn aýdanyndaǵy jańa qoǵamdyq keńistikke bardy.
Shaǵyn aýdandaǵy jaıaý júrginshiler aımaǵyn abattandyrý turǵyndardyń kóptegen ótinishteri boıynsha júrgizildi. Uzyndyǵy 400 metr aýmaqqa aǵashtar otyrǵyzyldy, avtomattandyrylǵan sýarý júıesi, shamdar men oryndyqtar ornatyldy. Jobany iske asyrýmen «Stamp service» JSHS merdiger uıymy aınalysty. Jumystar aǵymdaǵy jyldyń maýsym aıynda bastaldy jáne qazirgi ýaqytta tolyǵymen aıaqtaldy, dep habarlaıdy Almaty-akshamy.kz.
Naýryzbaı aýdanynyń ákimi Nazıra Toǵyzbaeva qala basshysyna jobada eresekterdiń de, balalardyń da qajettilikteri eskerilgenin baıandady. Turǵyndar 3 jyl boıy osy jerde jol jasaýdy surady. Alaıda bos aýmaqta «Shuǵyla city», «Alem city» TK baǵyty boıynsha júrginshi joldar ǵana emes, sonymen qatar 90-100 avtokólikke arnalǵan avtoturaq salyndy. Mektep jasyna deıingi balalar úshin labırıntterden, úılerden, slaıdtardan, tonnelderden, qumsalǵyshtardan, baspaldaqtardan jáne basqa da taqyryptyq elementterden turatyn «Balalarǵa arnalǵan qala» oıyn alańy jabdyqtaldy.
Jumys sapary barysynda aýdan turǵyndary qala basshysyna jańa ınfraqurylymdy: saýda ortalyqtaryn, kınoteatrlardy abattandyrý jáne salý týraly ótinishpen júgindi. Erbolat Dosaev jańa aýdandardyń damý dınamıkasy oń ekenin atap ótti. Qala olardy damytý boıynsha jobalar daıyndaýda, olar aldaǵy jyldary iske asyrylatyn bolady.
Almaty ákimi Erbolat Dosaevtyń tapsyrmasy boıynsha bıyl Naýryzbaı aýdany «Halyq qatysatyn búdjet» baǵdarlamasyn iske asyrýǵa qosymsha 875 mln teńge aldy. Osylaısha, aýdanda 2,7 mlrd teńgeden astam somaǵa 67 joba iske asyrylýda. Qosymsha qarjylandyrý týraly sheshim osy baǵdarlamanyń tıimdiligi men qala turǵyndarynyń oń pikirlerin eskere otyryp qabyldandy.
Buǵan deıin qala basshysy atap ótkendeı, 2024 jyly «Halyq qatysatyn búdjet» baǵdarlamasyn qarjylandyrý ulǵaıtylatyn bolady: qalanyń 6 aýdanyna 2 mlrd teńgeden jáne Alataý jáne Naýryzbaı aýdandaryna 2,5 mlrd teńgeden bólý josparlanýda. Qosymsha qarajat ózekti jáne suranysqa ıe jobalardy iske asyrýǵa baǵyttalatyn bolady.