Negizgi jumys Aqjar yqsham aýdanynyń 89 kóshesinde júrgizilmek
Almatynyń Naýryzbaı aýdanynda 45 shaqyrymdyq jańa jol salynady. Negizgi jumys Aqjar yqsham aýdanynyń 89 kóshesinde júrgizilmek, dep habarlaıdy Almaty-akshamy.kz Almaty.tv-ge silteme jasap.
Buǵan deıin Almaty ákiminiń aýdan turǵyndarymen bolǵan kezdesýinde kópshiliktiń kóńilin alań qylǵany da osy joldyń jaıy edi. Turǵyndar qala basshysynyń kóshedegi aıaqtalmaǵan jumystarǵa mán berýin suraǵan. Búginde munda 8 shaqyrymdyq jol asfálttalyp, 4 kóshede jaǵdaı jaqsardy. Endigide jóndeýdiń ekinshi kezeńi bastalady deıdi ákimdik mamany.
«Qazir ekinshi kezeń boıynsha jumys atqaryp jatyrmyz. Josparǵa sáıkes, 13 shaqyrym jolǵa jóndeý júrgizildi. Jalpy Qaraǵaıly, Qarǵaly men Shuǵyla shaǵynaýdany qamtylady», – dedi Naýryzbaı aýdany ákimdigi bólim basshysynyń mindetin atqarýshy Ońalbek Qydyrbaev.
Jol ǵana emes, alańqaılar men sport alańdarynyń da jaǵdaıy jaqsarmaq. Máselen, Aqjar shaǵynaýdanynda 10 myń sharshy metrlik saıabaq jóndeýden ótken.
«Saıabaqtaǵy jumystar bıylǵy maýsym aıynda bastalǵan edi. Búginde 95 paıyzyn aıaqtadyq. Qazir ózderińiz kórip turǵandaı, aǵash otyrǵyzylyp jatyr. Jospar boıynsha, beınebaqylaý kameralary da ornatylady», – dedi Naýryzbaı aýdany ákimdigi bólim basshysynyń mindetin atqarýshy Ońalbek Qydyrbaev.
«Jańa saıabaqtyń salynǵanyna qýanyshtymyz. Burynǵysy aýmaǵy boıynsha kishkentaı edi. Turǵyndardyń bos ýaqytta demalatyn, qydyratyn jeri bolǵany jaqsy ǵoı», – dedi Naýryzbaı aýdanynyń turǵyny Aslan İlıasov.
«Saıabaq árıne, jaqsy. Aǵash otyrǵyzylyp jatqany qýantady. Aýa tazarady, aınalamyz ádemi bolady. Balalar da qýanyp júr», – dedi Naýryzbaı aýdanynyń turǵyny Alla Gontar.
Aýdan turǵyndary qala basshysymen kezdesýde balalarǵa arnalǵan alańdardyń joq ekenin de aıtqan edi. Kóp tileýine sáıkes, qazir Qalqaman shaǵyn aýdanynda sport alańqaılary men balalarǵa arnalǵan oryndar jasalyp jatyr. Mamandar atalǵan aýmaqtardy qazan aıy aıaqtalǵansha qoldanysqa beremiz deıdi.