Kóp balaly jáne az qamtylǵan otbasynyń balalary úshin jattyǵý tegin bolmaq
Almatynyń Alataý aýdanynda qos birdeı fýtbol alańy qoldanysqa berildi, dep habarlaıdy Almaty-akshamy.kz Almaty.tv-ge silteme jasap.
«Mádenıet» shaǵynaýdanynda ornalasqan sport kesheni 300-ge jýyq balany qabyldaı alady. Eki alań da jeke kásipkerlerdiń qarajatymen boı kóterdi. Tóbesi jabyq keshen jyldyń 4 mezgilinde de jumys isteı beredi. Fýtbol alańyn salýdaǵy basty maqsat – jastardy sportqa baýlý, salaýatty ómir saltyn qalyptastyrý. Sport kesheniniń ashylýyna oraı jarys uıymdastyrylyp, jeńgenderge baǵaly syılyq tabystaldy.
Aıta keteıik, kóp balaly jáne az qamtylǵan otbasynyń balalary úshin jattyǵý tegin bolmaq.
«Bul qurylysqa 2 jyldaı ýaqyt ketti. Qural-jabdyqtardyń bári óte sapaly ári myqty. Balalarǵa yńǵaıly.Búgingi týrnırde 6-9 jas sondaı-aq, 9-12 jas aralyǵynda ótip jatyr», – dedi jeke kásipker Baqytjan Qadyrbekov.