QTJ temirjol, avto jáne teńiz kóligin tarta otyryp, mýltımodaldy tasymaldaýdy uıymdastyrady
Premer-mınıstr Álıhan Smaıylov Memleket basshysynyń tapsyrmasy boıynsha júzege asyrylyp jatqan «Qazaqstan temir joly» UK» AQ-ny ulttyq tranzıttik-logıstıkalyq kompanıaǵa transformasıalaý máseleleri jóninde keńes ótkizdi, dep habarlaıdy Almaty-akshamy.kz Úkimettiń resmı saıtyna silteme jasap.
QTJ basqarma tóraǵasy Nurlan Saýranbaev kompanıanyń logıstıka segmentinde, atap aıtqanda, halyqaralyq tranzıttik marshrýttar men óńirlik saýda habtaryn damytý jónindegi qyzmetin keńeıtetin transformasıalaý josparyn tanystyrdy.
QTJ temirjol, avto jáne teńiz kóligin tarta otyryp, mýltımodaldy tasymaldaýdy uıymdastyrýmen, sondaı-aq termınaldar jelisin damytý nátıjesinde shetelde júkterdi jınaqtaý oryndarynda logıstıkalyq qyzmet kórsetýmen aınalysatyn bolady.
Bul transulttyq kólik dálizderiniń damýyna, jańa logıstıkalyq tizbekterdiń qalyptasýyna serpin beredi jáne otandyq bıznes úshin qosymsha múmkindikter ashady dep kútilýde.
Sondaı-aq kompanıa óziniń negizgi qyzmetiniń tıimdiligin jaqsartý jónindegi jumysty jalǵastyrady.
Premer-Mınıstr QTJ-ny transformasıalaý tásilderin maquldap, qoldanystaǵy komersıalyq baǵyttarǵa taldaý júrgizýdi jáne óńirlik saýda habtaryn damytý máselesin egjeı-tegjeıli pysyqtaýdy tapsyrdy.