Almatynyń Naýryzbaı aýdanynyń ákimi Sanjar Toǵaı Óńirlik komýnıkasıalar qyzmetiniń brıfıńi barysynda aýdannyń eńbek naryǵyndaǵy jaǵdaı týraly aıtty. Onyń aıtýynsha, bıyl aýdanda 2157 jumys orny ashylǵan, 600-ge jýyq jumyssyz qoǵamdyq jumystarǵa jiberilgen, dep habarlaıdy almaty-akshamy.kz
«Jalpy, bıyl biz 7 myńǵa jýyq jumys ornyn usyna otyryp, aýdan aýmaǵynda 120-ǵa jýyq jańa jobany júzege asyrýdy josparlap otyrmyz», - dedi Sanjar Toǵaı.
Aýdan turǵyndaryn jumyspen qamtý úshin «Eńbek», «Jumyspen qamtýdyń jol kartasy», «Bastaý Bıznes» jáne basqa da kóptegen memlekettik baǵdarlamalardyń múmkindikteri paıdalanylady.
Naýryzbaı aýdanynyń ákimi turǵyndarǵa jańa jumys oryndaryn ashatyn jańa densaýlyq saqtaý nysandarynyń qurylysy týraly da aıtty.
Sanjar Toǵaıdyń aıtýynsha, jańadan salynǵan tórt emhanamen qatar, Quramys shaǵynaýdanynda 500 oryndy emhana, Aqjar shaǵynaýdanynda 200 oryndy otbasylyq-dárigerlik ambýlatorıa jáne jyljymaly dárigerlik ambýlatorıa ashý josparlanýda.
Taýsamaly shaǵynaýdanyndaǵy múmkindigi shekteýli balalarǵa arnalǵan mýzykalyq mektep jáne eki dene shynyqtyrý-saýyqtyrý ortalyǵy men ınovasıalyq óner ortalyǵynyń qurylysy kezinde de jumys oryndary paıda bolady.