Eskertkishtiń ashylýyna memleket jáne qoǵam qaıratkerleri men Táshenovtiń urpaqtary qatysty.
Astanada memleket qaıratkeri Jumabek Táshenovke eskertkish qoıyldy, dep habarlaıdy Almaty-akshamy.kz
Eskertkishti Nur-Sultan qalasynyń ákiminiń orynbasary Asqat Rasýlov, memleket qaıratkeri, ǵalym,Myrzataı Joldasbekov, qoǵam qaıratkeri Oralbaı Ábdikárimovter ashty.
«Búgin bizdiń otbasymyz úshin erekshe kún. Ákemizdiń eskertkishi ashyldy. Bul eskertkish úshin Qasym-Jomart Kemelulyna rahmet. «Ákeńniń eńbegin nege nasıhattamaısyń?» degen adamdar kóp boldy. Naǵyz eńbek sińirgen adamdy halyq ózi qurmetteıdi. Biz ákemizdiń tek áke emes, naǵyz patrıot bolǵanyna qýanamyz. Týǵan jerinde turǵan eskertkish qandaı keremet! Barshańyzǵa raqmet», - dedi Saıan Jumabekuly Táshenov.
Jumabek Ahmetuly Táshenov Qazaq KSR-i Mınıstrler Keńesiniń tóraǵasy bolǵan. 20.03.1915 jyly Aqmola oblysynda dúnıege kelip, 18.11.1986 jyly Shymkent qalasynda dúnıeden ozǵan. Memleket jáne qoǵam qaıratkeri, ekonomıka ǵylymynyń kandıdaty.