Almatyda oqý jyly bastalǵaly mektep asqanalarynan 18 túrli zańbuzýshylyq anyqtaldy, dep habarlaıdy aqshamnews.kz
Mektep asqanalarynyń tazalyǵy men tártibin ata-ana, muǵalimder, sanıtarlyq baqylaý jáne densaýlyq saqtaý basqarmasy mamandarynan qurylǵan 62 adam kúndelikti tekserip otyrady. Jalpy almatylyq oqýshylardyń tegin tamaqtanýy úshin jergilikti búdjetten 18 mıllıardtan astam teńge bólingen. Megapolıste tórtinshi synypqa deıingi 127 myń bala men ataýly áleýmettik kómek alatyn otbasylardan 8 myń bala tegin tamaqtanady.
El boıynsha oqýshylarǵa arnalǵan jańa as máziri aldaǵy oqý jylynan bastap engizilýi múmkin. Qazir ulttyq elementteri bar tamaqtaný standarty qaıta qaralyp jatyr.