Almaty qalasynda páter tonaýmen aınalysqan qylmystyq top quryqtaldy. Bul týraly Polisia.kz saıtyna silteme jasap, Aqshamnews.kz habarlaıdy.
Almaty krımınaldyq polısıasy arnaıy jasaqtyń kómegimen Baızaqov pen Buqar jyraý kósheleriniń qıylysynda 38 ben 45 jas aralyǵyndaǵy tórt er adamdy ustady. Olar – Almaty jáne Jambyl oblystarynan kelgen.
Kúdiktiler ótken demalys kúnderi Shashkın kóshesindegi úılerdiń birine terezeni kúshtep ashyp, temir torlardy kesý arqyly kirgen. Olar páterden altyn buıymdar men aqshalaı qarajatty urlaǵan. Ustaý barysynda aıǵaqty zattar tárkilenip, qylmystyq iske qosyldy.
Almaty qalalyq PD krımınaldyq polısıa basqarmasynyń bastyǵy Talant Isaevtyń málimdeýinshe, kúdiktiler qamaýǵa alynyp, olardyń basqa uqsas qylmystarǵa qatysy bar-joǵy tekserilýde. Qylmystyq is Bostandyq aýdandyq polısıa basqarmasy tarapynan tergelýde.
QR Qylmystyq kodeksiniń 201-babyna sáıkes, tergeý múddesine baılanysty qosymsha málimetter jarıalanbaıdy. Sonymen qatar, Qazaqstan Respýblıkasynyń Konstıtýsıasyna sáıkes, sottyń zańdy sheshimi shyqqanǵa deıin kúdiktiler kinásiz dep sanalady.