Almatynyń Medeý aýdanynda kósheler men dańǵyldardy kógaldandyrý jalǵasyp jatyr. Mysaly, ál-Farabı dańǵylynda (Qapparov kóshesinen Nazarbaev dańǵylyna deıin), sondaı-aq Qajymuqan, Sátbaev, Abaı, Qurmanǵazy, Shevchenko, Qabanbaı batyr jáne Qaldaıaqov kóshelerinde kóriktendirý jumystary aıaqtaldy. Medeý aýdany ákimdiginiń dereginshe jańa gúlzarlar, sýarý júıeleri aımaqtardy jasyl býlvarǵa aınaldyrdy.
Kógaldandyrý baǵdarlamasynyń aıasynda 71,5 myń sharshy aýmaq, uzyndyǵy 14 shaqyrym bolatyn 13 kóshe kórkeıtildi.
Búginde Dostyq dańǵylynda, Bógenbaı batyr, Qabanbaı batyr, Tóle bı, Qazybek bı kósheleri men Qulja tasjolynda abattandyrý jumystary jalǵasyp jatyr.
Jalpy, býferlik aımaqtarǵa basa nazar aýdarylady: Nazarbaev jáne Dostyq dańǵyldarynda butalar men gúlder otyrǵyzylady, irgeles aýmaqtar abattandyrylady. Aýdan turǵyndary qazirdiń ózinde oń ózgeristerdi aıtady.
«Buryn bul aımaqtar ıesiz, bos jatqan jerler edi. Endi mine, kóriktendirý jumystarynyń arqasynda tanymastaı ózgerip, kórkeıip shyǵa keldi. Munda serýendeýdiń ózi keremet», - deıdi aýdan turǵyny Aıgúl.
Aýdan ákimdiginde atap ótkendeı, jumys odan ári jalǵasady. Aldaǵy ýaqytta jasyl aımaqtar keńeıtilip, jańa aǵashtar otyrǵyzylyp, júrginshiler úshin jaıly keńistik paıda bolady.