Memleket basshysy Qasym-Jomart Toqaev Digital Bridge 2025 halyqaralyq tehnologıalyq forýmynyń ataýyn ózgertýdi usyndy, - dep habarlaıdy aqshamnews.kz tilshisi.
"Qazir álem jurtshylyǵynyń aldynda jasandy ıntellektiniń bolashaǵyna qatysty túrli tańdaý tur. Onyń keıbiri sheksiz múmkindikterge jol ashady. Al endi biri úlken syn-qaterlerge dýshar etýi múmkin. Degenmen bir nárse anyq – keleshegimizdiń qandaı bolary bizdiń birlesip áreket ete bilýimizge baılanysty.
Jasandy ıntellekt – qazirgi zamannyń aqıqaty. Aldaǵy jyldary da adamzat damýynyń negizgi baǵdary jasandy ıntellektige tikeleı baılanysty bolatyny anyq. Sondyqtan kelesi jyldan bastap forýmdy AI Bridge dep ataǵan jón dep sanaımyn. Biraq forýmnyń maqsat-mindeti ózgermeıdi. Osy biregeı alań tehnologıa salasyndaǵy alpaýyttar men túrli startaptar, bıznes pen ǵylym, memleket pen azamattar arasyndaǵy dáneker bolyp qala beredi.
Forýmnyń jańa baǵdary halyqaralyq yntymaqtastyqqa tyń serpin berip, jasandy ıntellektini halqymyzdyń ıgiligi jolynda tıimdi paıdalanýǵa septigin tıgizedi", - dedi Toqaev.