Sanıtarlyq tazalyq júrgizýdiń sapasy men jedeldigin arttyrý úshin Almaty qalasynyń ákimi Erbolat Dosaevtyń tapsyrmasymen «Almaty Tazalyq» MKK úshin joldy tazartýǵa arnalǵan mamandandyrylǵan tehnıka men traktorlardyń jańa býyny satyp alyndy.
Komýnaldyq mekemeniń garajy tazalaýǵa arnalǵan 12 tehnıkamen tolyqty, dep habarlaıdy aqshamnews.kz Almaty qalasy Komýnaldyq ınfraqurylymdy damytý basqarmasyna silteme jasap.
- 6 konveıerlik-vakýýmdyq sypyrý mashınasy – sypyrý eni 3,5 metrge deıin jetedi. Bul tehnıka japyraqtardy, qoqyqty tazalaý úshin óte yńǵaıly. Endi osyndaı 23 mashına Almatynyń negizgi kóshelerine qyzmet kórsetedi, onyń 17-si 2023 jyly qalalyq búdjet esebinen satyp alynǵan.
- Joldar men trotýarlardy tazalaýǵa arnalǵan 6 traktor – shómishiniń eni 2,5 metr, shetkasy 1,8 metr.
«Jańa tehnıka qol eńbegin azaıtýǵa múmkindik beredi, óıtkeni bir mashına 30 adamdy almastyrady, aýysymyna jyldamdyq pen jınaý ónimdiligin 100 myń m2 deıin arttyrady. Sonymen qatar, shýy az, sapaly túrde tazartady, shańdatpaıdy. Traktorlar qysta qardy tyrmalaý men kóktaıǵaqqa qarsy materıaldardy sebýge paıdalanylady», - deıdi Almaty qalasy Komýnaldyq ınfraqurylymdy damytý basqarmasynyń basshysy Dýlat Áshkenov.
Jalpy, bıyl taǵy 20 birlik tehnıka satyp alý josparlanyp otyr:
- 5 elektr sypyrǵysh-jınaý mashınasy - dybyssyz jumys isteıdi, bul olardy túnde paıdalanýǵa múmkindik beredi
- 3 suıyq reagent shashqysh – kóktaıǵaqqa qarsy qoldanylady
- 2 assenızator mashınasy — erigen sýdy sorýǵa arnalǵan
- 10 aralas jol mashınasy — jol tazalaýǵa arnalǵan.
Anyqtama: qalada 2 318 kóshe sanıtarlyq maqsatta tazalanady. Barlyǵy qalaǵa qyzmet kórsetetin 1084 birlik arnaıy tehnıka jáne 1240 jumysshy bar.
Eske salsaq, bıyl 19 shildede VIII saılanǵan máslıhattyń kezekten tys HHİ sesıasy barysynda depýtattar Almaty qalasynyń aýmaǵyn kóriktendirýdiń jańa erejesin bekitti. Ereje qysta jáne jazda aýmaqtardy, kóshe-jol jelilerin jınaý boıynsha jumystardy uıymdastyrý tártibin aıqyndaıdy.