Phýket – Almaty baǵytyndaǵy áýe reısi ushyp kelgennen keıin Almaty qalasy áýejaıyndaǵy jelilik polısıa bóliminiń qyzmetkerleri Almaty jáne Kókshetaý qalalarynyń 26 jastaǵy turǵyndaryn anyqtap, ustady.
Qazaqstan Respýblıkasynyń memlekettik shekarasyn kesip ótý kezinde qyzmettik-izdestirý ıti jolaýshylarda esirtki zaty bar ekendigi týraly belgi berdi. Tekserý barysynda olardan gashısh, keptirilgen marıhýana jáne sıntetıkalyq esirtki tabylyp, tárkilendi, dep habarlaıdy aqshamnews.kz Polisia.kz-ke silteme jasap.
Ustalǵandar óz áreketteriniń zańsyz ekendigin bile tura, Taılandta demalys kezinde esirtki satyp alyp, jeke tutyný úshin sómkelerinde saqtaǵan. Atalǵan faktiler boıynsha kólik polıseıleri ótkizý maqsatynsyz esirtki zattarymen zańsyz jumys jáne aınalystan alyp qoıylǵan zattardyń kontrabandasy úshin sotqa deıingi tergeý júrgizdi. Almaty qalasy Túrksib aýdandyq sotynyń úkimderine sáıkes Kókshetaý qalasynyń turǵynyna 1 jyl 9 aı merzimge bas bostandyǵynan aıyrý túrindegi jaza taǵaıyndalsa, Almaty qalamynyń turǵynyna 200 AEK (738 400 teńge) mólsherinde aıyppul salyndy.