Áleýmettik jelilerde Qazaqstan men Reseı shekarashylary arasyndaǵy qaqtyǵystyń saldary túsirilgen vıdeo taratylýda. QR İshki ister mınıstrligi bul aqparatqa qatysty túsinikteme berdi, dep habarlaıdy almaty-akshamy.kz Stopfake.kz-ke silteme jasap.
Taralǵan vıdeoda áskerı kıimdegi adamdar jáne áskerı tehnıka kórsetilgen, al kadr syrtyndaǵy daýystyń aıtýynsha, qaqtyǵys Qostanaı oblysynda oryn alǵan, qazir onda tehnıka tartylyp jatyr.
İİM-niń habarlaýynsha, munyń bári jalǵan.
– Qazaqstan Respýblıkasynyń İİM Qostanaı oblysyndaǵy shekaradaǵy arandatý týraly áleýmettik jelilerde taralǵan aqparat shyndyqqa janaspaıtynyn jáne jalǵan bolyp tabylatynyn habarlaıdy. Vıdeoda bıyl 8 qyrkúıekte Qostanaı qalasy aýmaǵynda ótken josparly dalalyq sabaqtarǵa bara jatqan QR İİM Ulttyq ulan avtokóliginiń kolonnasy kórsetilgen. Kórineý jalǵan aqparat taratqany úshin qylmystyq jaýapkershilik qarastyrylǵanyn eske salamyz, – dep habarlady vedomstvonyń baspasóz qyzmeti.