Ótinishterdiń 83 paıyzǵa jýyǵy oń sheshimin tapty.
Almaty qalasy Kásipkerler palatasynyń dırektory Aıtýar Qoshmambetov ÓKQ brıfıńinde 2022 jyly Almaty qalasynyń óńirlik palatasyna 1723 ótinish túskenin aıtty, dep habarlaıdy Almaty-akshamy.kz
Onyń ishinde 872-si kásipkerlerdiń paıdasyna sheshildi, qalǵany boıynsha túsiniktemeler berildi. Iaǵnı, ótinishterdiń 83 paıyzǵa jýyǵy oń sheshimin tapty.
Palata sarapshylary 36 sot isine qatysyp, 39,4 mlrd teńge somaǵa kásipkerlerdiń quqyǵyn qorǵady.
Aıtýar Qoshmambetovtiń aıtýynsha, kelip túsken aryz-shaǵymdardyń basym bóligi salyq organdarynyń is-áreketine (241 nemese 14%), sondaı-aq memlekettik organdardyń baqylaý-qadaǵalaý áreketterine qatysty shaǵymdar (224 nemese 13%).
Ótinishter jer paıdalaný, qurylys, memlekettik satyp alý, materıaldyq-tehnıkalyq qamtamasyz etý jáne kásipkerlik quqyq sýbektileri arasyndaǵy daýlar boıynsha birdeı tústi.
Ol mysal keltirdi. Sarapshylar palatasy birinshi ınstansıadaǵy sotta kásipkerdiń qatysýyn qamtamasyz ete otyryp, «KazInterServıs-regıon» JSHS-niń quqyǵyn qorǵady. Júrgizilgen jumystardyń qorytyndysy boıynsha Mańǵystaý oblysynyń mamandandyrylǵan ekonomıkalyq sotynyń 2021 jylǵy 14 qańtardaǵy sheshimimen memlekettik satyp alýdyń josyqsyz qatysýshysy «KazInterServıs-Regıon» JSHS 96 mln. teńge kóleminde talapty qanaǵattandyrýdan bas tartý jáne turaqsyzdyq úshin aıyby óndirildi. Osylaısha, kásipkerdiń 96 mln menshik quqyǵy qorǵaldy.
«BSB Trade & Advertising» JSHS-niń 87 mln teńgege quqyǵy qorǵaldy. Kásiporynǵa quqyqtyq konsýltatıvtik kómek kórsetilip, qajetti prosesýaldyq qujattar resimdelip, keıinnen sotta senimhat boıynsha ókil retinde múddeleri usynyldy.