1 jeltoqsanyna zeınetaqy jınaqtary 14,4 trln teńgeden asty.
Shetelge kóship ketken 18 myń qazaqstandyq zeınetaqy qorynan 45 mlrd teńgeden astam aqsha aldy, dep habarlaıdy Almaty-akshamy.kz LS silteme jasap.
Biryńǵaı jınaqtaýshy zeınetaqy qorynda (BJZQ) LS-tiń resmı suraýyna jaýap retinde 2022 jyldyń basynan bastap aǵymdaǵy jyldyń 19 jeltoqsanyna deıin Qazaqstannan tys jerlerge turaqty turýǵa ketken salymshylar jalpy somasy 45,3 mlrd teńgege tólemder alǵanyn habarlady.
Bul rette ótken jyldyń uqsas kezeńinde soma 20,8%-ǵa ıaǵnı 37,49 mlrd teńgege, al alýshylar sany – 15 905 adamǵa az boldy.
2022 jyly tólemderdiń eń kóp kólemin rúblmen – 28,66 mlrd teńge (12 343 salymshy), sondaı-aq, teńgemen – 13,28 mlrd teńge (5 102 salymshy) aldy. Dollarmen 2,25 mlrd teńge somaǵa 422 qazaqstandyq, eýromen – 920 mln teńge (304 salymshy), fýntpen – 190 mln teńge (23 salymshy) jınaq alyndy.
"Fýnt tólemder Ulybrıtanıaǵa, Rýmynıaǵa, Irlandıaǵa, Shveısarıaǵa tólendi. Dollarmen-Polsha, Túrkıa, Kanada, AQSH jáne t.b., eýroda – Germanıa, Polsha, Nıderlandy jáne basqa elderge", - dep naqtylady BJZQ-da.
Sonymen qatar, zeınetaqy qorynyń málimetinshe, osy jyldyń 1 jeltoqsanyna zeınetaqy jınaqtary 14,4 trln teńgeden asty. Jyl basynan beri bul kórsetkish 1,3 trln teńgege nemese 10,2%-ǵa artqan.