2025 jyldyń 4 aıy ishinde áleýmettik ekonomıkalyq damýdyń qorytyndysy
Aǵymdaǵy jyly Almaty qalasy ekonomıkasynyń qarqyndy damýy saqtalyp otyr. 2025 jylǵy qańtar-sáýir qorytyndysy boıynsha Almatynyń qysqa merzimdi ekonomıkalyq ındıkatory 9,1%-ǵa deıin jedeldedi (2025 jylǵy qańtar – naýryz-7,0%).
1.Ekonomıka ósiminiń negizgi draıverleri kólik (+23,9%), qurylys (+21,3%) jáne óńdeý ónerkásibi (+17,6%) boldy.
Ótken jyly Almatynyń JÓÓ ósimi 5,6% -dy qurady, bul jan basyna shaqqandaǵy JÓÓ-ni 27,5 myń AQSH dollary deńgeıinde qamtamasyz etýge múmkindik berdi. Bul basqa aımaqtar arasyndaǵy eń jaqsy kórsetkishterdiń biri.
Almatynyń sapaly jáne turaqty áleýmettik-ekonomıkalyq damýy úshin biz qala ekonomıkasyn ártaraptandyrýǵa jáne ınvestısıalardy belsendi tartýǵa basa nazar aýdaramyz.
2. Almaty Qazaqstannyń eń ınvestısıalyq tartymdy óńirleriniń biri bolyp qala beredi.
2025 jyldyń qańtar-sáýir aıynyń qorytyndysy boıynsha negizgi kapıtalǵa 35,6% ósimmen 541,3 mlrd.teńge ınvestısıa tartyldy. Investısıa kólemi boıynsha Almaty 1 oryn aldy.
Investısıalardyń eń kóp ósýi bilim berýde (7,2 ese ósý), qarjylyq jáne saqtandyrý qyzmetinde (2 ese), sýmen jabdyqtaýda jáne sý burýda (1,9 ese), týrızmde (1,5 ese), jyljymaıtyn múlikpen operasıalarda (+22,1%), elektrmen jáne jylýmen jabdyqtaýda (+19,4%), kólikte jáne (+14,7%).2.
Almatynyń ekonomıkalyq damýy onyń týrısik tartymdylyǵynyń ósýimen tyǵyz baılanysty. Qala ekonomıkasyndaǵy týrızm salasy 3,9%-dy quraıdy.
2024 jyly Almatyǵa 2 mln. 340 myń týrıs keldi (ósim 14,8%). Qazaqstanǵa kelgen árbir ekinshi sheteldik týrıs Almaty qalasyna keledi. Ótken jyly olardyń sany 27% - ǵa 686,3 myń adamǵa deıin ósti (QR úlesi – 53%).
Kórsetilgen týrısik qyzmetter kólemi 30% - ǵa 96,3 mlrd. teńgege deıin ósti (2023 j. – 74 mlrd. teńge). Qala búdjetine týrısik qyzmetten 90,7 mlrd. teńge somasyna salyq tústi, bul 2023 jylmen salystyrǵanda 1,9 ese kóp (47,2 mlrd.teńge).
3. Týrızm salasynda qalada jumyspen qamtylǵandardyń jalpy sanynyń 7,7% - y nemese 83,5 myń adam jumyspen qamtylǵan (ósim 3%, 2023 j. – 80,5 myń adam).
Týrısik aǵynnyń ósýi negizgi kapıtalǵa ınvestısıalardyń ulǵaıýymen qatar júredi. 2025 jyldyń qańtar-sáýir aılarynda 1,5 ese (+49,8%) ósimmen 40,2 mlrd.teńge ınvestısıa tartyldy.
2025 jyly Almatyda týrıser aǵyny 2,5 mln. adam deńgeıinde boljanýda.
Shaǵyn jáne orta bıznes Almatynyń ekonomıkalyq damýynda sheshýshi ról atqarýda.
2024 jyldyń qorytyndysy boıynsha SHOB sýbektileriniń ónim shyǵarý kólemi 13,9% - ǵa 24,9 trln teńgege deıin ulǵaıdy..
Almatynyń JÓÓ-degi SHOB úlesi 60,3% - ǵa deıin ósti (2023 j. – 58,1%).
SHOB sektory jumyspen qamtýdyń negizgi kózi bolyp qala beredi, onda qalada jumyspen qamtylǵandardyń jalpy sanynyń 90% - y nemese 972,1 myń adam jumys isteıdi.
2025 jylǵy 1 mamyrdaǵy jaǵdaı boıynsha belsendi jumys isteıtin SHOB sýbektileriniń sany 378,9 myń birlikti quraıdy, bul aǵymdaǵy jyldyń basymen salystyrǵanda 7,4% - ǵa artyq.
2025 jylǵy sáýirde Almatyda respýblıkadaǵy eń joǵary iskerlik belsendilik tirkeldi. İskerlik belsendilik ındeksi 57,9% qurady.
Aǵymdaǵy jyly SHOB-ty qoldaýǵa 70 mlrd.teńge bólindi, onyń ishinde jergilikti búdjetten qarjylandyrýdy 2,5 ese 52,8 mlrd. teńgege deıin ulǵaıtý esebinen.
4. Almaty qalasynda elektrondyq saýda qarqyndy damyp keledi. Elektrondyq komersıa SHOB úshin jańa múmkindikter ashady, bul kompanıalarǵa keń naryqtarǵa shyǵýǵa jáne óz ónimderi men qyzmetterin tıimdi satýǵa múmkindik beredi.
Almaty Qazaqstandaǵy osy naryqtyń negizgi bóligin qalyptastyrady. Qala el boıynsha taýarlarmen elektrondyq bólshek saýdanyń barlyq kóleminiń 95,2% - yn jáne qyzmettermen elektrondyq saýdanyń barlyq kóleminiń 93,2% -yn qamtamasyz etedi.
2024 jyldyń qorytyndysy boıynsha taýarlarmen elektrondyq saýda kólemi 3 trln.teńge 30,5% ósimmen,, qyzmetterdiń elektrondyq saýda kólemi 2,3 trln teńge, 61% ósimmen.
Respýblıkadaǵy taýarlar men qyzmetterdi ótkizý úshin ınternet-resýrsty paıdalanatyn barlyq kompanıalardyń shamamen 50% - y Almatyda ornalasqan. Qalada 1 556 kásiporyn jumys isteıdi (QR – 3 239).
İri ınternet-platformalar Kaspi.kz, Wildberries.kz, Aviata.kz, Sulpak.kz, Technodom.kz jáne t. b.
2024 jyldyń jeltoqsanynda "MAGNUM E-COMMERCE KAZAKHSTAN" JSHS qýattylyǵy táýligine 18 myńǵa deıingi tapsyrysty DarkStore paıdalanýǵa berdi. Bul joba ınternet-bıznesti masshtabtaý jáne Almatyda elektrondyq komersıanyń odan ári ósýi úshin áleýet týǵyzady.
Jalpy, Almaty qalasy ekonomıkasynyń qarqyndy damýy 2025 jyldyń 4 aıynda jergilikti búdjet kiristeriniń 14,6% - ǵa ósýin qamtamasyz etýge múmkindik berdi.