Almatyda úsh jyl ishinde 50-den astam bilim berý nysany jańartylyp, oqýshy oryndarynyń tapshylyǵy azaıdy
Almatyda qala ákimi Erbolat Dosaevtyń tapsyrmasymen 2022 jyldan bastap 50-den astam bilim berý nysany salyndy jáne jańǵyrtyldy. Olardyń qatarynda 7 balabaqsha, 47 mektep jáne 4 oqýshylar úıi bar, dep habarlaıdy aqshamnews.kz
Qazirgi ýaqytta taǵy 47 bilim berý nysanynyń qurylysy men jańǵyrtý jumystary jalǵasýda: 7 balabaqsha, 37 mektep (onyń ishinde 21 mektep «Jaıly mektep» jobasy aıasynda), 2 kolej, 1 mamandandyrylǵan «Januıa» ınternaty.
Atalǵan jobalar júzege asqannan keıin oqýshy oryndarynyń tapshylyǵy shamamen 5 myń orynǵa deıin qysqarady. Qala mektepteri birtindep bir aýysymdy oqý formatyna kóship jatyr.
Erbolat Dosaevtyń bastamasymen «Mektep avtobýsy» jobasy sátti iske asyryldy. Onyń arqasynda 16 myńnan astam oqýshy qala shetinde ornalasqan shaǵyn aýdandardan mektepterge yńǵaıly ári qaýipsiz jaǵdaıda qatynaý múmkindigine ıe boldy.