Almatynyń qysqa merzimdi ekonomıkalyq kórsetkishi 2025 jylǵy qańtar-sáýir aılarynda 9,1%-ǵa ósti
2025 jyldyń qańtar-sáýir aılarynda Almaty eldiń jetekshi iskerlik jáne qarjy ortalyǵy mártebesin rastady, dep habarlaıdy Almaty qalasynyń ekonomıka basqarmasy.
Tórt aıdyń qorytyndysy boıynsha qysqa merzimdi ekonomıkalyq ındıkator ótken jyldyń osy kezeńimen salystyrǵanda 9,1%-ǵa ósti. Ekonomıkalyq ósimniń negizgi qozǵaýshy kúshteri – kólik jáne qoıma (+23,9%), qurylys (+21,3%) jáne óńdeýshi ónerkásip (+17,6%) boldy. Osy kezeńde Almaty búdjetine túsetin túsimder 14,6%-ǵa artty.
2024 jyldyń qorytyndysy boıynsha jan basyna shaqqandaǵy jalpy óńirlik ónim (JÓÓ) 27 557 AQSH dollary bolyp, aldyńǵy jylmen salystyrǵanda 9,4%-ǵa artty. Bul elimizdegi eń joǵary kórsetkishterdiń biri.
Almaty ınvestısıa, ınovasıa jáne kásipkerlik belsendilik ortalyǵy retinde pozısıasyn nyǵaıtyp keledi. Qalanyń JÓÓ-niń eldiń jalpy ishki ónimindegi úlesi 2023 jylǵy 21,1%-dan 2024 jyly 21,8%-ǵa deıin ósti. Bul Almatynyń ulttyq ekonomıkadaǵy róliniń artyp kele jatqanyn kórsetedi.