Almatynyń negizgi kapıtalyna ınvestısıalar 2025 jylǵy qańtar-sáýirde 35,6 %-ǵe ósti
Almaty elimizdiń eń tartymdy ekonomıkalyq ortalyqtarynyń biri mártebesin rastaı otyryp, ınvestısıalar salasyndaǵy oń serpindi kórsetýdi jalǵastyrýda.
Almaty qalasy Ekonomıka basqarmasynyń habarlaýynsha, 2025 jyldyń qańtar–sáýir aılarynda negizgi kapıtalǵa salynǵan ınvestısıalar kólemi 541,3 mlrd teńgeni qurady, bul ótken jyldyń sáıkes kezeńimen salystyrǵanda 35,6% - ǵa artyq.
Salymdardyń eń kóp ósýi mynadaı salalarda tirkeldi: bilim berý — 7,2 ese, qarjy jáne saqtandyrý qyzmeti — 2 ese, sýmen jabdyqtaý jáne sý burý — 1,9 ese, týrızm — 1,5 ese, jyljymaıtyn múlikpen operasıalar - 22,1% — ǵa, elektrmen jáne jylýmen jabdyqtaý —19,4% - ǵa, kólik jáne qoımalaý - 14,7%. Mundaı dınamıka qalanyń ınvestısıalyq portfeliniń ártaraptandyrylýyn jáne ınvestorlardyń ekonomıkanyń túrli salalaryna degen qyzyǵýshylyǵynyń artyp kele jatqanyn kórsetedi.
Almaty Qazaqstandaǵy ınvestısıalyq ósýdiń basty ortalyqtarynyń biri retinde óz pozısıasyn senimdi nyǵaıtýda. 2025 jylǵa arnalǵan josparǵa sáıkes Almaty ekonomıkasyna negizgi kapıtalǵa 2,2 trln teńge ınvestısıa tartý kózdelip otyr.