Almaty qalasy Jetisý aýdanynyń ákimi Gúlnár Kókebaeva Óńirlik komýnıkasıalar qyzmetiniń baspasóz konferensıasynda jańa oqý jyly qarsańynda aýdandaǵy mektep nysandarynyń jaǵdaıy týraly aıtty. Sabaqtar jaıly jaǵdaıda ótýi úshin birqatar mektepter kúrdeli jóndeýden ótedi.
G. Kókebaeva atap ótkendeı, qazirgi ýaqytta №177, 57, 102 mektepterde 1050 oryndyq úsh oqý korpýsynyń qurylysy júrgizilýde, sonymen qatar №43 mektep asqanasynyń jańa korpýsy salynýda. Jumysty 2021 jyldyń sońyna deıin aıaqtaý josparlanýda.
«Bıylǵy jyldyń tórtinshi toqsanynda №80 jáne 129 mektepterdi kúrdeli jóndeýden ótkizýdi josparlaýdamyz. Atalǵan mektepter boıynsha oń saraptama alyndy. Qurylys jumystaryna baıqaý jarıalandy», - dedi aýdan ákimi.
Sonymen qatar, №148, 103 jáne 112 mektepterdiń 850 oryndyq oqý korpýstarynyń qosalqy qurylysyna, sondaı-aq №101 mekteptiń akt zalyn keńeıtýge qatysty jobalyq-smetalyq qujattar ázirlenýde. Qurylys jumystary kelesi jyly bastalady.
Sondaı-aq, «Aınabulaq-4» shaǵynaýdanyndaǵy 160 oryndyq balabaqsha qurylysyna memlekettik saraptama jasaldy.