Almatyda kógaldandyrý qala turǵyndarynyń ómirin jaıly etedi, dedi qalanyń Jetisý aýdanynyń ákimi Gúlnar Kókebaeva. Óńirlik komýnıkasıalar qyzmetiniń baspasóz konferensıasy barysynda aýdanda kóktemde 8 650 kóshet otyrǵyzylǵanyn aıtty. "Kókjıek" shaǵynaýdanynda aleıalar paıda boldy, Angarskaıa kóshesiniń boıyna baqsha salyndy jáne 150 «sıvers» alma aǵashtary otyrǵyzyldy, dep habarlaıdy almaty-akshamy.kz.
Kógaldandyrýdaǵy taǵy bir basty baǵyt – aýdandy gúlmen bezendirý. Ákim bıylǵy maýsymda 8500 sharshy metr gúl otyrǵyzylǵanyn aıtty.
Kógaldandyrýmen qatar jasyl jelekterdi sýarý máselesi ózekti bolyp qala beredi. Gúlnar Kókebaevanyń aıtýynsha, aýdanda jasyl alańdardy sýarý 24 alańda, 20 jasyl aımaqta jáne bir saıabaqta júrgizilýde.
Ótken aıda «Aınabulaq-3» shaǵynaýdanyndaǵy, Abylaı han dańǵylynyń boıyndaǵy jáne Almaty-2 temirjol vokzalynyń aldyndaǵy jalpy baqtarda úsh jyl boıy jumys istemegen avtomatty sýarý júıesi tolyq qalpyna keltirildi.