Almatynyń Jetisý aýdanynda 2025 jyldyń sońyna qaraı 97 shaqyrymnan astam jańa ınjenerlik jeliler salynady
Jańa ınjenerlik jelilerdiń arqasynda Almatydaǵy Jetisý aýdanynyń 6 myńnan astam turǵyny ortalyq sýmen jabdyqtaýǵa qosylady, dep habarlaıdy aqshamnews.kz
Almaty ákimi Erbolat Dosaev jumys sapary barysynda Jetisý aýdanynda sýmen jabdyqtaý jáne sý burý jelileri qurylysynyń barysymen tanysty.
Buryn bul ýchaskede magıstraldyq jeliler bolmaǵan. Keńes zamanynda turǵyndar ujymdyq sý qubyryn tartyp, keıin jeke jelilerge qosyldy. Qubyrlardyń kishi dıametri jáne halyq sanynyń ósýine baılanysty qysym jáne sáıkesinshe sý tapshylyǵy boldy. Paıdalaný kezinde tozǵan qubyrlar júktemelerge tótep bere almady, sonyń saldarynan jıi qysymnyń tómendeýi jáne sýmen jabdyqtaýda úzilister oryn aldy.
Jetisý aýdanynda sýmen jabdyqtaý jáne sýdy burýdyń jańa jelilerin salýdyń aýqymdy qurylysy 2023 jyldyń naýryz aıynda bastaldy. Joba boıynsha ınjenerlik jelilerdiń jalpy uzyndyǵy — 97,75 km: 25,7 km sý qubyry jáne 72 km – káriz jelileri. Búgingi tańda nysannyń daıyndyǵy 30%-dy quraıdy. Jumystardy aıaqtaý 2025 jyldyń jeltoqsanyna josparlanǵan.
Sondaı-aq, jobada joldyń búkil eni boıynsha 13 kóshede asfált tósemin qalpyna keltirý kózdelgen, onyń 9-y boıynsha jumystar aıaqtaldy: Taımyr, Mesherskıı, Shildehana, Fevralskaıa, Obskaıa, Feoktıstov, Leonov, Bykovskıı, Serikov kósheleri. Boraldaı jáne Oktábrskaıa kósheleri boıynsha uzyndyǵy 1,5 km jol tósemin qalpyna keltirý jumystary júrgizilýde. Osyndaı jumystar Logovaıa jáne Ermolova kóshelerinde de jalǵasady.
Joba aıaqtalǵannan keıin 6 myńǵa jýyq abonent ortalyq ınjenerlik jelilermen qamtamasyz etiledi.
Qala basshysy Jetisý aýdanynyń ákimine qurylystyń barysy men sapasyn baqylaýdy jáne jumysty merziminde aıaqtaýdy tapsyrdy. Erbolat Dosaev bul jobany iske asyrý qalalyq ınfraqurylymdy jáne Jetisý aýdany turǵyndarynyń ómir súrý sapasyn jaqsartýdaǵy mańyzdy qadam ekenin atap ótti.