Qazaqstanda 2021-2022 oqu jylynyń tártíbí qalaı ótetíní aıtyldy.
QR Bílím jáne ǵylym mınıstrí Orta bílím beru ūıymdarynda 2021-2022 oqu jylynyń bastaluyn, ūzaqtyǵyn jáne kanıkul kezeńderín aıqyndau turaly būıryqqa qol qoıdy, dep habarlaıdy Almaty-akshamy.kz
Qūjat boıynsha, menshík nysanyna jáne vedomstvolyq baǵynystylyǵyna qaramastan, orta bílím beru ūıymdarynda 2021-2022 oqu jylynyń bastaluy, ūzaqtyǵy jáne kanıkuly kezeńderíníń mynadaı merzímderí aıqyndaldy: Jańa oqu jyly ádettegídeı 2021 jylǵy 1 qyrkúıekte bastalady.
Oqu jylynyń ūzaqtyǵy 1-synyptarda – 33 aptaǵa, 2-11 (12)- synyptarda – 34 aptaǵa jetedí. Kanıkul kezeńderí: búkíl synyptarda kúzgí kanıkul – 7 kún (2021 jylǵy 1-7 qarasha aralyǵynda), qysqy – 11 kún (2021 jylǵy 30 jeltoqsan men 2022 jylǵy 9 qańtar aralyǵynda), kóktemgí – 12 kún (2022 jylǵy 19-30 nauryz aralyǵynda). 1-synyptarǵa arnalǵan qosymsha kanıkul – 7 kún (2022 jylǵy 7-13 aqpan aralyǵynda) bolyp belgílendí.