Áleýmettik jobalardyń arqasynda Almatynyń Jetisý aýdanyndaǵy kóp balaly jáne az qamtylǵan júzdegen otbasy aı saıyn kómek alady. Bul týraly Óńirlik komýnıkasıalar qyzmetiniń baspasóz konferensıasynda aýdan ákimi Gúlnar Kókebaeva málimdedi. dep habarlaıdy almaty-akshamy.kz
Gúlnar Kókebaevanyń aıtýynsha, 2021 jyly 534 otbasy 123 mln teńge kóleminde ataýly áleýmettik kómek aldy.
Aýdan ákimi kóp balaly jáne az qamtylǵan otbasylarǵa arnalǵan «Baqytty otbasy – Jetisý» áleýmettik ortalyqtarynda 1420 adam esepte turatynyn aıtty. Ortalyq arqyly 111 bala «Baldáýren» jáne «Alaý» shıpajaılaryna sanatorlyq-kýrorttyq emdelýge jiberildi. Jyl basynan beri ortalyqta 152 ana tegin kýrstan ótti. «Baqytty otbasy – Jetisý» ortalyqtarynda qolóner, kıim pishý jáne tigý, makıaj, shashtaraz, aspazdyq, manıkúr men pedıkúr, kirpik uzartýdy úırenýge bolady.
Gúlnar Kókebaeva bıyl «Halyq» qoǵamdyq qorynyń qoldaýymen kásipkerler esebinen 922 muqtaj otbasyǵa kómek kórsetilgenin aıtty.
Az qamtylǵan otbasy balalaryna da jan-jaqty qoldaý kórsetiledi. Mysaly, áleýmettik jobalar aıasynda 300-den astam balalar men jasóspirimder Qulager, Kókmaısa, Kókjıek, Aınabulaq shaǵynaýdandaryndaǵy «Jekpe-jek» ortalyqtaryndaǵy seksıalarǵa tegin qatysýǵa múmkindik aldy. Kókjıek, Rabochıı poselok jáne Aınabulaq-4 shaǵynaýdandarynan kelgen 350-den astam bala tegin fýtbol oınaıdy.