Azıza JOLDYBAI, magıstrant:
– Táýelsizdikti qadirleý - bárimizge borysh. Óıtkeni bul uǵymnyń aıasy keń, óresi bıik. Túsine bilgen jannyń keýdesine qýanysh ornatatyn sezim. Keshegi alash alyptary Álıhan Bókeıhan, Mirjaqyp Dýlatov, Ahmet Baıtursynuly atalarymyz osy jolda jan aıamaı eńbek etti. Ómirin berdi. Halqynyń arda uldarynynyń armanyn jalǵaý úshin biz de tynbaýymyz kerek. Basty mindet - ilim men bilimdi damytý. Ǵylymdy ilgeriletý. Jan-jaqty biliktilikti arttyra berý qajet.
Bizdiń zamanymyz jyldamdyq pen básekelestikke qurylǵan. Sizdiń búgin ashqan jańalyǵyńyz erteń ózekti bolmaýy múmkin. Sondyqtan aqyl men qajyr-qaıratty birlestire otyryp qımyldaǵan abzal. Mine, osydan keıin baryp árqaısymyzdyń elge paıdamyz tımek.
Qurban ZULYPQARULY, sport jattyqtyrýshysy:
– Barymyz da, baǵymyz da - Táýelsizdik. Shynymdy aıtsam, ishteı razymyn. Mamyrjaı halqymyz bar. Ony túsine biletin sanaly jas urpaǵymyz ósip keledi. Beıbit mekende ǵumyr keshýdemin. Qolynan is keletinderdiń dáýiri. Eń bastysy, nátıjeli tirlik istese, qalǵany óz retimen kelmek. Dúnıede áli kúnge deıin egemendikti ańsaıtyndar qanshama? Azat bolyp, óz aldyna kún keshý olarǵa saǵymdaı kórinýde. Sol sebepti el men jerdiń qasıetin baǵalaý paryz dep sanaımyn.
Jaratqan ıe baıtaq Otanymyzdy til men kózden saqtasyn! Kók baıraǵymyz aspanymyzda máńgi jelbireı bersin!