Bul joly saltanatty rásim PD ǵımaratynyń aldyndaǵy alańda ótti.
Polısıa departamentiniń bastyǵy Arystanǵanı Zapparovtyń qolynan 50 jas qyzmetkerge leıtenant pogony tabystaldy. Qaladaǵy tártipti qamtamasyz etetin ofıserler qataryna jas jigitter men qyzdar qosyldy, dep habarlaıdy Almaty-akshamy.kz Polisia.kz-ke silteme jasap.
«Búgin sizderdiń joldaryńyz Táýelsiz Qazaqstanǵa, Qazaqstan halqyna qyzmet etýden bastaldy. Buǵan deıin bireýlerińiz kýrsant, endi bireýlerińiz JOO bitirdińizder. Al búgin sizderge ofıserlik shen taǵaıyndaldy jáne pogondar tabystaldy. Sizder, qurmetti áriptester, azamattardyń qaýipsizdigin qamtamasyz etýde jáne olardyń konstıtýsıalyq quqyqtaryn qorǵaýda óz bilimderińiz ben daǵdylaryńyzdy durys qoldana alatyndaryńyzǵa senimdimin», – dedi Arystanǵanı Zapparov.
Shendi taǵaıyndaý jáne pogondardy tabystaý – ishki ister organdarynda qyzmet etýdi tańdaǵandar úshin qyzyqty sát. Bul - árbir polısıa qyzmetkeri úshin tarıhı mańyzdy oqıǵa.