Svetlana Jolmanova Joǵary Sot Keńesine shaǵymdanýǵa quqyly.
Joǵarǵy Sot Keńesi Almaty qalasy Medeý aýdandyq sotynyń sýdıasy Svetlana Jolmanovany qyzmetinen bosatý týraly sheshim qabyldady, dep habarlaıdy Almaty-akshamy.kz.
"Joǵary Sot Keńesi janyndaǵy Sot júrıi Almaty qalasy Medeý aýdandyq sotynyń sýdıasy Jolmanovaǵa qatysty sýdıanyń sot isteri boıynsha taraptardyń ókilderimen prosestik emes baılanys jasaýyna baılanysty sýdıalyq ádepke qaıshy qylyq jasaý faktisi boıynsha tártiptik isti qarady. Sot júrıi sýdıa Jolmanovaǵa qatysty laýazymynan bosatý túrinde tártiptik jaza qoldaný týraly sheshim qabyldady", - delingen keńestiń habarlamasynda.
Bul sheshim áli zańdy kúshine engen joq, Svetlana Jolmanova oǵan Joǵary Sot Keńesine shaǵymdanýǵa quqyly.
Eske sala keteıik, 2021 jyldyń sáýirinde áleýmettik jelide Almaty qalasy Medeý aýdanynyń sýdıasy Svetlana Jolmanovanyń kabınetin tintý kezinde mıllıondaǵan dollar tabylǵany týraly aqparat tarady. Keıinnen Almaty qalalyq soty jelide taraǵan aqparatty joqqa shyǵardy. Vedomstvo sýdıanyń kabınetinen 10 myń dollar tabylǵanyn, úıinen eshteńe tabylmaǵanyn habarlady. Keıinirek sýdıa baspasóz máslıhatynda ózine taǵylǵan aıyptyń negizsiz ekenin aıtty. Ol tárkilengen 10 000 AQSH dollary ıpotekaǵa páter alam jınaǵan óziniń aqshasy ekenin túsindirdi.