Tekserý barysynda 26 295 lıtr mazýt kólemindegi zańsyz ónim anyqtaldy.
Almaty qalasy boıynsha Memlekettik kirister departamenti aksızdik taýarlardyń kóleńkeli aınalymyn anyqtaý maqsatynda aksızdik taýarlar naryǵy sýbektilerine turaqty túrde taldaý júrgizedi, dep habarlaıdy Almaty-akshamy.kz
15 maýsymda bir salyq tóleýshige tıesili eki janarmaı quıý beketinde taqyryptyq salyqtyq tekserý júrgizý barysynda jalpy kólemi 26 295 lıtr mazýt kólemindegi munaı ónimderiniń zańsyz aınalymy anyqtaldy.
Tirkelmegen rezervýarlardan munaı ónimderin esepke alý-baqylaý qurylǵylaryn (BQB) ornatýsyz saqtaý jáne ótkizý «Munaı ónimderiniń jekelegen túrlerin óndirý men aınalymyn memlekettik retteý týraly» zańdy buzý bolyp tabylady», - delingen habarlamada.
Qazaqstan Respýblıkasy «Ákimshilik quqyq buzýshylyq týraly» Kodeksiniń 281-babynyń 5 bóligindegi 8 tarmaǵynda kórsetilgen buzýshylyq úshin ákimshilik jaýapkershilik kózdelgen.
«Joǵaryda atalǵan faktiler boıynsha prosesýaldyq sheshim qabyldaý úshin Almaty qalasynyń ádilet organdaryna berý jumystary júrgizilýde», - delingen habarlamada.
Aksızdik taýarlardy zańsyz satýdyń barlyq qolda bar faktileri boıynsha Almaty qalasynyń turǵyndary Almaty qalasy boıynsha Memlekettik kirister departamentine Abylaı han dańǵyly, 93/95, kab. 417, anyqtamalar úshin telefon: 8(727) 267-35-62.