Abylaı han dańǵyly, 59/61 úıdiń qabyrǵasyna İlbis (qar barysy) qaıta salyndy.
Eske salaıyq, mamyr aıynyń basynda Abylaı han dańǵyly, 59/61 mekenjaıyndaǵy turǵyn úıdiń qasbetindegi qar barysynyń mýraly «Coca-cola Qazaqstan» kompanıasynyń jarnamalyq mýralyna aýysqan bolatyn, dep habarlaıdy Almaty-akshamy.kz QazAqparatqa silteme jasap.
«Coca-Cola Qazaqstan» kompanıasy turǵyndardan keshirim surap, mýral qaıta qalpyna keltiriletinin aıtty.
Almaty ákimi Erbolat Dosaev Almaly aýdanynyń turǵyndarymen kezdesý kezinde qaladaǵy mýraldar máselesine qatysty óz oıyn bildirgen edi.
«Qaladaǵy mýraldarǵa resmı mártebe berý qajet, áıtpese, mýraldardyń máselesi sheshilmeıdi. Qazirgi tańda Almatynyń dızaın-kodyn ázirleý jumysy bitýge jaqyn. Onda mýraldar jeke bolady, al jarnamany ornalastyrý men basqa da ózgerister qalalyq qurylys jáne ýrbanıstıka basqarmasymen kelisilýi tıis», - degen bolatyn Erbolat Dosaev.