Astanadaǵy beıbitshilik jáne kelisim saraıynda Halyqaralyq volonterler forýmy ótip jatyr.
Oǵan 34 elden 140-tan astam erikti qatysyp jatyr. Aqparat jáne qoǵamdyq damý vıse-mınıstri Danıar Qadirov keıingi úsh jylda volonterler sany úsh esege kóbeıgenin atap ótti, dep habarlaıdy Almaty-akshamy.kz
«Elimizde volonterlik qyzmettiń damýyna úlken mán berilip jatyr. 2019 jyly volonterlik uıymdardyń sany 50-den astam bolsa, qazirgi tańda 680-ge jetip otyr.
Sonymen birge volonterdiń sany 2019 jyly 50 myń bolsa, qazir respýblıka boıynsha volonterler sany 200 myńnan asyp otyr», - dedi ol.
Vıse-mınıstr byltyr qurylǵan Ortalyq Azıa volonterler habynyń qalaı jumys istep jatqanyna toqtaldy.
«Jyl boıy hab jumys istedi, Ortalyq Azıa elderiniń volonterleri osy habtyń mańyna toptasty. Bıyl kóptegen ózge elderden usynystar kelip túsip jatyr. Olar da osy habqa qosylǵysy keledi. Túrkıa men Ázerbaıjan da osy habqa qosylyp, tájirıbe almasqysy keledi. Búgingi forýmda osy másele de talqylanady. Keshe Astanada Halyaqarlyq volonterlik ortalyǵy ashyldy.
Ortalyq Azıa elderi volonterleriniń haby qazaqsha aıtqanda, asardyń rólin atqaryp otyr. Bir apat, zilzala bolsa, bizdiń volonterlerimiz halyqaralyq deńgeıdegi kómekti úılestirý úshin jumys isteıtin bolady. Bul baǵytta Qazaqstan Ortalyq Azıa boıynsha óte jaqsy alǵa jyljydy deýge bolady», - dedi Danıar Qadirov.