Óńirlik komýnıkasıalar qyzmetiniń alańynda Almaty qalasynyń ındýstrıalyq aımaǵy basshylyǵynyń qatysýymen brıfıń ótti.
Brıfıńte sóz sóılegen Almatynyń Indýstrıaldy aımaǵynyń dırektory Alısher Satybaldıev AIA qatysýshylar sany men tartylatyn ınvestısıalar kólemi boıynsha QR-daǵy eń iri aımaq ekenin atap ótti.
«AIA óńirdiń ónerkásiptik, áleýmettik jáne ekonomıkalyq damýyndaǵy óńdeý ónerkásibindegi jobalardy iske asyrý úshin ınfraqurylymdyq qoldaý kórsetetin jáne olardy ornalastyrý úshin jer ýchaskelerin beretin mańyzdy qural bolyp tabylady", - dep atap ótti A. Satybaldıev.
Aǵymdaǵy jyly Almaty ındýstrıalyq aımaǵynyń aýmaǵynda 565 jumys ornyn qurýmen 10 ınvestısıalyq joba ashý josparlanýda:
- «Telli Ondiris» - turmystyq hımıa jáne jeke gıgıena quraldaryn shyǵaratyn zaýyt;
- «Rozan Azıa» - halyqaralyq tólem júıeleriniń bank kartalaryn shyǵaratyn zaýyt;
- «Kapital Construction» - armatýralyq tor, kvars aglomerattary jáne profıldi qubyrlar shyǵaratyn zaýyt;
- «JBI Garant» - tolyq sıkldi temirbeton buıymdaryn shyǵaratyn zaýyt;
- «Kazakhstan Mobility Engineering» - avtomobılderge arnalǵan elektrondyq aýdıo jáne beıne jabdyqtar shyǵaratyn zaýyt;
- «Vehicles Almaty» - avtomobıl oryndyqtaryn shyǵaratyn zaýyt;
- «AvtoPlastTehnolodjı» - avtomobılderge arnalǵan rezeńke jáne plasık buıymdar shyǵaratyn zaýyt;
- «Astana Motors Engineering» - qoıma úı-jaılary;
- aýdany 5100 sharshy metr «Almaty Building & Co» KP shaǵyn ónerkásiptik parki;
- aýdany 3000 sharshy metr «Industrial Place» shaǵyn ónerkásiptik parki.
Qurylǵan sátten bastap Almaty ındýstrıalyq aımaǵynyń aýmaǵynda jalpy somasy 128,8 mlrd teńgege 30 joba iske asyryldy. Kásiporyndarda 3543 jumys orny quryldy. Osy kezeńde kompanıalar 1 746 mlrd teńgege ónim óndirip, 45,8 mlrd teńgege salyq tóledi.