ÓKQ brıfıńinde sóılegen sózinde Almatynyń ındýstrıalyq aımaǵynyń dırektory Alısher Satybaldıev 2023 jyly Almatynyń ındýstrıalyq aımaǵyndaǵy kompanıalar 796,6 mlrd teńgege ónim óndirip, 9,2 mlrd teńgege salyq tólegenin atap ótti.
Onyń aıtýynsha, bir jyl ishinde jalpy somasy 4,8 mlrd teńgege úsh iri ónerkásiptik kásiporyn iske qosylyp, 229 jumys orny ashyldy:
- «Irrıgator Qazaqstan» JSHS-joǵary qysymdy polıetılennen, sondaı-aq tómen qysymdy polıetılennen jasalǵan polıetılen qubyrlary men tamshy jelilerin shyǵaratyn zaýyt;
- «BSF» JSHS-lak-boıaý ónimderin shyǵaratyn zaýyt;
- «Álem Tynysy» JSHS-salqyndatqysh suıyqtyqtardy óńdeý jáne óndirý zaýyty.
Óńirlik úılestirý keńesiniń 9 otyrysynyń qorytyndysy boıynsha ótken jyly ındýstrıalyq aımaqqa qatysýshylardyń tizilimine jalpy jeke ınvestısıa somasy 305,1 mlrd teńgeni quraıtyn jáne 5 933 jańa jumys ornyn quratyn 32 jańa kompanıa engizildi. Almaty ındýstrıalyq aımaǵyna barlyǵy 497,85 mlrd teńgege jobalary bar, 12 398 jumys ornyn quryp otyrǵan 91 kompanıa qatysyp otyr.
Álisher Satybaldıev iri jobalar mashına jasaýǵa, qurylys materıaldaryn óndirýge, sondaı-aq makýlatýrany qaıta óńdeýge baǵyttalǵanyn atap ótti.