Táýelsizdiktiń 30 jyldyǵyna oraı Almaty ákimi Baqytjan Saǵyntaev úlken dıametrli bolat dánekerlengen qubyrlar shyǵaratyn zaýytty iske qosý rásimine qatysty, dep habarlaıdy Almaty-akshamy.kz
Qala ákimi Baqytjan Saǵyntaev jumysshylar men zaýyt basshylyǵyn kele jatqan Táýelsizdik kúnimen quttyqtady, onyń 30 jyldyq mereıtoıy árbir qazaqstandyqtyń júregine qymbat. Ol eki jyl buryn Indýstrıaldy aımaqtyń jumys qaǵıdattary ózgergenin eske saldy. Jobalardy iske asyrý úshin kásipkerler men salalyq odaqtardyń basshylary kiretin qalanyń iskerlik keńesi irikteıdi jáne bekitedi.
«Osyndaı tásildemeniń arqasynda biz toqtap turǵan jobalardy joqqa shyǵardyq jáne perspektıvaly óndiristerdi iske asyrýǵa múmkindik berdik. Eń iri zaýyttardyń biriniń iske qosylýy jańa jumys oryndaryn ashýǵa jáne qala ekonomıkasyn nyǵaıtýǵa múmkindik berdi», - dedi Baqytjan Saǵyntaev jáne zaýyt jumysshylaryna tabys tiledi.
Dıametri 355 mm-den 1420 mm-ge deıingi bolat dánekerlengen qubyrlardy óndirý jobasyn «Asia Steel Pipe Corporation» JSHS júzege asyrdy.
Ónim munaı, gaz, sý jáne munaı ónimderin tasymaldaýǵa arnalǵan. Sonymen qatar, qubyrlardy taý-ken, qurylys, hımıa ónerkásibi, energetıka salalarynda paıdalanýǵa bolady. Sondaı-aq, kásiporynda korozıaǵa qarsy jabyndar óndirisi jolǵa qoıylǵan.
Jobanyń quny 33 mlrd teńgeni quraıdy. Zaýytta 304 turaqty jumys orny quryldy. Jobalyq qýattylyǵy – jylyna 100 myń tonna qubyr ónimi. Jobany júzege asyrý úshin Almaty Indýstrıaldy aımaǵynda 18,2 ga jer telimi bólindi.
AIA qatysýshylary 63 kompanıa, 239 mlrd teńgege 65 joba, 7 788 jumys orny qurylady.
Búginde jalpy somasy 112,7 mlrd teńgege, 2 957 jumys ornyn qurýmen 18 joba iske asyryldy.
