Dúnıejúzilik densaýlyq saqtaý uıymy dabyl qaǵýda
Sebebi Afrıka elderi koronavırýsqa qarsy vaksınalaý josparyn iske asyryp úlgermeýi múmkin. Negizgi jospar boıynsha 2024 jyldyń ekinshi jartysyna deıin qurlyq halqynyń 70 prosenti ekpe saldyrý kerek. Alaıda preparat barlyǵyna birdeı qoljetimdi emes. Sonyń saldarynan qazir Afrıkada vaksınanyń eki dozasyn da qabyldaǵandardyń úlesi 8 prosentke de jetpeıdi, dep habarlaıdy Almaty-akshamy.kz 24.kz-ke silteme jasap.
Ol azdaı, munda "omıkron" tez tarap barady. Jańa shtamdy juqtyrýdyń alǵashqy derekteri osy qurlyqta tirkelgen. Qazir Ońtústik Afrıka Respýblıkasynda "omıkron" basym shtamǵa aınalǵan.
«Vaksınalaý qarqynyn arttyrý arqyly biz myńdaǵan adamnyń ómirin saqtap qala alamyz. Qazir "omıkron" tez tarap jatyr. Al Afrıka halqynyń kóbi ekpe saldyrmaǵan. Qurlyqtaǵy eki el – Mavrıkıı men Seıshel araldarynda ǵana halyqty vaksınalaý deńgeıi joǵary. Olarda kórsetkish 70 prosentten asyp ketti. Alaıda basqalaryndaǵy jaǵdaı kúrdeli. Afrıkadaǵy 10 memlekette vaksına qabyldaǵan halyqtyń úlesi 2 paıyzǵa da jetpeıdi», - deıdi DDSU ókili Fıona Atýhebve.