Josparly jylý jelilerin jańǵyrtý jáne jóndeý jumystarynyń istelýine baılanysty Almatynyń birneshe kóshelerinde avtokólikterdiń qozǵalysyna shekteýler engiziledi, dep habarlaıdy almaty-akshamy.kz.
Áýezov aýdanynda magıstraldyq qubyrjol ýchaskesinde josparly jóndeý jumystaryn júrgizý maqsatynda 2024 jylǵy 4 shildedegi saǵat 22:00-den 5 shildedegi saǵat 12:00-ge deıin Súleımenov kóshesiniń boıymen Toqtabaev kóshesinen Cherepanov kóshesine deıin ońtústik baǵytta kólik qozǵalysy jartylaı shekteledi. Soltústik baǵytta avtokólik qozǵalysy úshin jol ashyq bolady. 
Bostandyq aýdanynda 2024 jyldyń 5 shildesi men 15 qyrkúıegi aralyǵynda Hodjanov kóshesiniń boıynda Almagúl shaǵynaýdanyndaǵy 15-shi úı ǵımaratynan Jarokov kóshesine deıingi aralyqta kólik qozǵalysy jabylady. Eki baǵytta da kólik qozǵalysy jabylady.
Bul ýaqytsha shekteýler 1976 jyldan beri paıdalanylyp kele jatqan jalpy uzyndyǵy 1240 metr bolatyn, atalǵan kóshe aýmaǵynyń avtokólik joly bóliginiń astynan ótetin qubyrdy jańǵyrtý ýchaskesinde josparly jumystardy júrgizý qaýipsizdigin qamtamasyz etý maqsatynda engizilip otyr.
Bul qubyr 153 kóppáterli turǵyn úıdi, 7 jeke turǵyn úıdi, 5 balabaqshany, 4 bilim berý nysanyn, 2 densaýlyq saqtaý nysanyn jáne 15 basqa nysandy jylýmen jáne ystyq sýmen qamtamasyz etedi.
Jańǵyrtý jumystary kezeńinde atalǵan tutynýshylar ystyq sýmen burynǵysynsha úzdiksiz qamtamasyz ete beriletin bolady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdan ákimdikteri men basqarmalarynyń áleýmettik jelilerinde, sondaı-aq «2GIS» jáne «Iandeks kartalary» servısterinde ornalastyrylǵan.
Ýaqytsha qolaısyzdyqtarǵa túsinistikpen qaraýlaryńyzdy jáne bul aýmaqty aınalyp ótý joldaryn aldyn ala qarastyrýlaryńyzdy suraımyz.
«Almaty jylý júıesi» JSHS