Almatyda samokattarda júrý mektebiniń úshinshi maýsymy ashylady. 5 shildede árbir turǵyn elektrosamokattarda qaýipsiz jáne etıkalyq júrgizýdiń negizgi erejeleri boıynsha tegin oqýdan óte alady. İs-shara ákimshilik polısıa men qala ákimdiginiń qoldaýymen ótedi, dep habarlaıdy almaty-akshamy.kz.
Whoosh servısiniń nusqaýshylary qala turǵyndaryna jaýapty júrgizý qaǵıdattary týraly eske salady jáne árqaısysymen praktıkalyq jeke sabaqtar ótkizedi. Oqý baǵdarlamasynda servıste tirkelgen paıdalanýshylardyń jıi kezdesetin qatelikteri men buzýshylyqtary eskeriledi.
Samokattardy júrgizý mektebi 5 shildede saǵat 13.00-den 20.00-ge deıin jumys isteıdi. İs-shara M. Áýezov atyndaǵy drama teatryna kirer aldynda alańda ótedi. Oqytý tegin jáne barlyq kámeletke tolmaǵandar úshin qol jetimdi. Oqý kýrsy shamamen 15 mınýtty alady.
Mektepte ne úırenýge bolady:
● QR-da samokattarda júrý boıynsha qandaı jol qozǵalysy erejelerin bilý kerek
● Jaýapty júrgizýdiń qandaı prınsıpterin saqtaý mańyzdy
● Elektrosamokttarda qaıda júrýge jáne qozǵalýǵa bolmaıdy
● Qozǵalys kezinde ne nársege basty nazar aýdarǵan jón
● Samokattardy qaıda jáne qalaı durys qoıý kerek
Barlyq suraqtar boıynsha Alısanyń 8-903-622-39-97 (whatsapp, telegram) nómirine habarlasýǵa bolady.