Buǵan deıin Almatynyń qala qurylysyn baqylaý basqarmasy Nur-Alataý shaǵyn aýdany, Q. Taýasaruly kóshesi, 71/21 mekenjaıynda ornalasqan bir jer telimindegi 3 qabatty eki úıdiń buzylǵany týraly habarlaǵan bolatyn.
Jospardan tys tekseris barysynda bul nysandardyń ruqsatsyz salynǵany anyqtalǵan. Osyǵan baılanysty menshik ıelerine (jeke tulǵalarǵa) ákimshilik sharalar qoldanylǵan.
Keıin bul is boıynsha uzaqqa sozylǵan sot prosesi júrip, 2024 jyldyń 31 qańtarynda Almaty sotynyń qaýlysymen aýdandyq sottyń nysandardy buzý týraly sheshimi kúshinde qaldy.
Sot sheshimin oryndaý maqsatynda menshik ıeleri bastapqyda nysandy óz erkimen buza bastaǵan. Alaıda keıin bul jumystardyń tolyq aıaqtalmaǵany belgili boldy. Qazirgi ýaqytta ǵımarattar sot oryndaýshylarynyń qatysýymen májbúrli túrde buzylyp jatyr.
Aıta keteıik, Almaty ákimi Erbolat Dosaevtyń qurylysqa baqylaýdy kúsheıtý jónindegi tapsyrmasyna sáıkes, 2023 jyldyń basynan beri qalada 74 zańsyz salynǵan nysan tolyq nemese jartylaı buzylǵan. Olardyń qatarynda turǵyn úı keshenderi, saýda oryndary men óz betinshe turǵyzylǵan qurylystar bar.