Almatynyń Bostandyq aýdanynda jańa kásipkerlik nysandarynda 5 myńnan astam jumys orny ashyldy
Almaty ákimi Erbolat Dosaev Bostandyq aýdanynyń turǵyndarymen kezekti kezdesýinde aýdannyń áleýmettik-ekonomıkalyq damý qarqyny týraly baıandady, dep habarlaıdy aqshamnews.kz
Aýdan qalada ınvestısıa tartý boıynsha kósh bastap tur. Bıylǵy jyldyń 7 aıynda 150 mlrd teńgeden astam ınvestısıa tartyldy.
Jyl basynan beri shaǵyn jáne orta bıznes sýbektileriniń sany 8%-ǵa ósip, 64 717-ge jetti. Bul 5 myńnan astam turǵyndy turaqty jumys oryndarymen qamtamasyz etti. Salyq túsimi 34%-ǵa ósip, 320 mlrd teńgege jetti.
Áleýmettik jáne ınfraqurylymdyq máselelerdi sheshýge aýdan búdjeti maýsym aıynda 32%-ǵa ulǵaıyp, 29,1 mlrd teńge boldy. Qarajat ınjenerlik jelilerdi jańǵyrtýǵa, kólik júıesin damytýǵa jáne qoǵamdyq keńistikterdi abattandyrýǵa baǵyttalǵan.