Almatynyń Bostandyq aýdanynyń ınjenerlik ınfraqurylymy qalaı damyp jatyr
Almaty ákimi Erbolat Dosaev Bostandyq aýdanynyń turǵyndarymen kezdesý barysynda ınjenerlik ınfraqurylymdy jańǵyrtý barysy týraly baıandady, dep habarlaıdy aqshamnews.kz
Bıyl shilde aıynda Jarokov, Naýaı, Tımırázev, Sátbaev, Markov kósheleri men Almagúl shaǵyn aýdanynda 6,3 km sý qubyrdy jańǵyrtý jumystary aıaqtaldy. Bul 80 myńǵa jýyq aýdan turǵyndaryn sapaly aýyz sýmen qamtamasyz etýge múmkindik beredi.
Osy jyldyń qazan aıynda Jandosov, Buqar Jyraý, Tımırázev kósheleri men Orbıta-2 shaǵyn aýdanynda taǵy 1 km sý jáne káriz jelileriniń jańǵyrtý jumystary aıaqtalady.
2025 jyldyń İİ toqsanynda Ermensaı shaǵyn aýdanyn turaqty sýmen qamtamasyz etý úshin jańa sý jınaǵyshtyń qurylysy josparlanyp otyr. Sondaı-aq sol kezeńde Nurlytaý shaǵyn aýdanynda 62 km sý jáne 34 km káriz jelilerin salý bastalady. Bul jobalar Bostandyq aýdanynyń ońtústik bóligindegi 25 myńnan astam turǵyndy sapaly aýyz sýmen qamtamasyz etedi.
Sonymen qatar, jylytý maýsymy bastalǵanǵa deıin Qojanov, Serkebaev, Esqaraev, Baıqadamov, Jandosov, Manas, Baızaqov kóshelerinde jáne ál-Farabı atyndaǵy QazUÝ aýmaǵynda 5,3 km jylý jelilerin qaıta jańartý aıaqtalady.