Almaty qalasy Bostandyq aýdanynyń ákimi Altaı Rahymbetov Óńirlik komýnıkasıalar qyzmetinde ótken baspasóz konferensıasynda basty áleýmettik máselelerdi sheshý týraly habarlady.
Ol jergilikti atqarýshy organdardyń birinshi kezektegi mindeti jańa jumys oryndaryn ashý ekenin aıtty, dep habarlaıdy Almaty-akshamy.kz
Altaı Rahymbetov 2021 jyldyń basynda 4 000 jumys ornyn ashý boıynsha jyldyq jospar belgilengenin, qazirgi kezde 66%-ǵa jýyǵynyń oryndalǵanyn, 2 670 jumys ornynyń ashylǵanyn aıtty.
«Jyl sońyna deıin jospardy 117,5% oryndap, 4 699 jumys ornyn ashýdy josparlap otyrmyz. Atap aıtqanda, 1 230 jumysshy qurylysqa jumyldyrylyp, jańa komersıalyq nysandarǵa jumysqa ornalasady. Olar jańa turǵyn úı keshenderiniń birinshi qabattarynda ashylady, sondaı-aq sporttyq, áleýmettik nysandarda, energetıka men abattandyrýda jumys oryndary paıda bolady», - dedi Altaı Rahymbetov.
Birinshi jartyjyldyqta atqarylǵan jumystar týraly esep bergen Bostandyq aýdanynyń ákimi qala turǵyndaryn qoldaýǵa ári jumysqa ornalastyrýǵa baǵyttalǵan memlekettik baǵdarlamalardy iske asyrý týraly aıtty.
«Eńbek» memlekettik baǵdarlamasyn júzege asyrý aıasynda aýdanda 2 802 adam jumysqa qabyldandy. Áleýmettik jumys oryndaryna 184 almatylyq jiberildi. «Jastar tájirıbesi» baǵdarlamasy boıynsha 171 adam jumysqa turdy, qoǵamdyq jumystarǵa 1117 adam jiberildi, aýdannyń 1171 turǵyny turaqty jumysqa ornalastyryldy», – dedi Altaı Rahymbetov.